basta con le catene di S.Antonio!!

[Buffus]

DA UNO CHE EL COMPIUTER O DOPARA PA LAVORO

Dovi' molarghe de spedirme caene!!!! che se no le rispedisso so un sfiga'!!!
che uno in Alabama gera negro e sicome nol ga spedio ea caena de quatromiesinquesentododese mail, nol ga gnanca fato ora de bervarse na bira chel gera morto stechio…
Par no parlar de quei che me spedisse e mail disendo che sicome un provaider (?!? che roba zela?), fataita' merican, el contribuisse co un sencesimo de dolaro par ogni mail che uno manda ala lota contro la JEJA-PEOSA-SCAVEJONA, bisogna mandarghene tante…
…O staltro semo!!!! che sicome el ga la fiola picola, co na malatia che nessuno sa cosa chea gabia (questo el sta' in Missouri), el te da' parfin el numero de teefonin par saver notissie.... ma che casso de notissie vuto che sapia mi!!!!.... mi stago a S.Piero....pa no dire a Paugueo...
Infine quei che me dise che ghe se un nuovo virus (pal compiuter), che se no te ste tento te te o ciapi anca ti!!! el se peso che ndare coa somala (…savemo tuti a cossa che se va incontro!!!), quindi te ghe da mandare mail a rota de colo a tuti quei che te conossi.....
Speta…
…doboto me desmentego de quei che me dise che quei dea Erisson i da' via i teefonini come se i fusse caramee ala menta, che iori ga prova' e funsiona. Basta che te invii el mesajo a tuti quei che te conossi, e dopo te si apposto!!! Riva diretamente casa tua Mario Erisson (el diretore) a portarte el teefonin (solo se te ghe manda' via un tot de mail, che iori sa tuto).
A sto punto fasime un piaseremandeme foto porno, filmati porno, barzeete, cassade varie, ma no ste piu' mandarme caene che tra un fia' verzo na bottega de feramenta......

Sta mail ea go scrita in diaeto par blocare ea mail a voialtri e basta, in modo che no ea ghe riva a uno che sta' in Louisiana che se drio farse i cassi sui, e che dopo el pensa robe strane.
Insomma savi' come che xe i mericani, che dopo me i trovo casa a intervistarme par la so teevision e a sogare col can.

Ciao e grassie de l'atenssion.

[ShadowThrone]

una volta arrivavano per lettera, ora per email... come cambiano i tempi

[Buffus]

chi ci ha capito qualcosa?èveneto spotico!!