[ZackS]

Incauta la natura nel formar
Quei do bei busi al sesso femminin,
un, che deve servir per far pissin,
l’altro, co riverenza, per cagar.
Provvida all’omo ghe doveva dar
In vece dei cogioni un lanternin,
perchè volendo fotterla a passin
in culo no gavesse da sbrissar.
Per Dio! Do busi in tanta vicinanza,
come se pol usar d’una maniera,
che no ve sbrissa in cul quel che va in panza?
Ah natura indiscreta! O al genio uman
Ti dovevi accordar volontà intiera,
o farghe el bus del cul tre mia lontan.