sempreio
19-09-2004, 21:50
NA ONTA & NA PONTA
ZE AUMENTA' EL MAGNARE: TUTI PI' MAGRI E PI' SANI...
LE BRONSE QUERTE
No se capisse i motivi. Forse ze la fine dele ferie, opure i aumenti dela spesa. Fato sta che, secondo indagini e statistiche del'incredibile USL, pare che la depressiòn e l'insonia sia aumentà de oltre el 40 \%. E ze da credarghe. Infati, prova ti a dormire tranquillo e beato e svejarte sereno se l'ultima facia che te ghè visto, prima de stuàre la television, ze quela de Vespa o de Marzulo! Par no parlare dela publicità dei novi programi che i ne trasforma in tanti spiòni, manìaci e depravati, par ore e ore sderenài davanti al buso dela seradura. Al ritorno dale ferie la zente se ga inacorto che ze aumentà tuta la roba da magnàre, che in pratica convièn 'ndare fare la spesa dal gioieliere. E subito i protesta e i fa lo siopero. Che ingrati ! El governo ne voe ben, se preocupa dela nostra salute, el voe sparagnàre sule medissine e sui dotòri. E cossa ghe ze de mejo de 'na bèa dieta obligatoria. Tuti pì magri e pì sani! E demoghe 'na man anca a sta economia in crisi, aumentèmo i consumi, femoghe ciapàre un franco ale categorie pì poarete! Le statistiche dise che, da quando che ze deventà obligatorio girare coi fari inpissà sule autostrade, i incidenti mortali ze aumentà dell'1,2 parsento. Ma alora a chi ghe zèa servìa sta lege? De sicuro ai comercianti e produtori de fari e lanpadine, par no parlare dei benzinàri. Giustamente, sentendose esclusi, se ga lamentà i pori produtori de freni e de tergicristài. Desso i voe che i onorevoli ghe fassa, presto e in pressa, 'na bea lege par obligare tuti i automobilisti a corere col frèn a man tirà e i tergi che va vanti e indrio... i ze anca drio pensare a un sistema par consumare le gome anca quando che la machina ze parchegià. Insoma forse se stava mejo quando che se stava pezo e gnanca el proverbio no ne ze de consolassiòn: "Chi che assa la strada vecia par la nova... el riva prima parchè a ze sfaltà!" Ciò, miga tuti ga l'inteigensa, e i schei, par fare un rientro dale ferie, scalionato e intejgente!
ZE AUMENTA' EL MAGNARE: TUTI PI' MAGRI E PI' SANI...
LE BRONSE QUERTE
No se capisse i motivi. Forse ze la fine dele ferie, opure i aumenti dela spesa. Fato sta che, secondo indagini e statistiche del'incredibile USL, pare che la depressiòn e l'insonia sia aumentà de oltre el 40 \%. E ze da credarghe. Infati, prova ti a dormire tranquillo e beato e svejarte sereno se l'ultima facia che te ghè visto, prima de stuàre la television, ze quela de Vespa o de Marzulo! Par no parlare dela publicità dei novi programi che i ne trasforma in tanti spiòni, manìaci e depravati, par ore e ore sderenài davanti al buso dela seradura. Al ritorno dale ferie la zente se ga inacorto che ze aumentà tuta la roba da magnàre, che in pratica convièn 'ndare fare la spesa dal gioieliere. E subito i protesta e i fa lo siopero. Che ingrati ! El governo ne voe ben, se preocupa dela nostra salute, el voe sparagnàre sule medissine e sui dotòri. E cossa ghe ze de mejo de 'na bèa dieta obligatoria. Tuti pì magri e pì sani! E demoghe 'na man anca a sta economia in crisi, aumentèmo i consumi, femoghe ciapàre un franco ale categorie pì poarete! Le statistiche dise che, da quando che ze deventà obligatorio girare coi fari inpissà sule autostrade, i incidenti mortali ze aumentà dell'1,2 parsento. Ma alora a chi ghe zèa servìa sta lege? De sicuro ai comercianti e produtori de fari e lanpadine, par no parlare dei benzinàri. Giustamente, sentendose esclusi, se ga lamentà i pori produtori de freni e de tergicristài. Desso i voe che i onorevoli ghe fassa, presto e in pressa, 'na bea lege par obligare tuti i automobilisti a corere col frèn a man tirà e i tergi che va vanti e indrio... i ze anca drio pensare a un sistema par consumare le gome anca quando che la machina ze parchegià. Insoma forse se stava mejo quando che se stava pezo e gnanca el proverbio no ne ze de consolassiòn: "Chi che assa la strada vecia par la nova... el riva prima parchè a ze sfaltà!" Ciò, miga tuti ga l'inteigensa, e i schei, par fare un rientro dale ferie, scalionato e intejgente!